Ripple醒覺! 日日牛三忘記舊經濟!

XRP (Ripple)是我地圈內人一直都睇好的貨幣，佢跟Bitcoin不一樣，係建基於替代銀行T.T.的支付系統。自從突破0.3之後就覺醒，天天創歷史新高，幾日就由0.2X升到2.X !  而XRP的市值亦搶過ETH和BCH成為第二大幣。

記得我剛開始應堅sir邀請係度寫幾句的時候，Bitcoin先USD 1500。我第一篇就話會破3000,再破5000，然後10000。當時好多人都話我會唔會太進取。不到一年已經超額完成。

見到訪間好亂，又叫人開合約，又話炒廢幣賺幾球，又晒林保晒宝馬。只能講自己小心，世界無不勞而獲既，我地圈人日日研究，通宵睇市。堅sir有句講得好，做人要知所進退。好慶幸堅sir的朋友都係好好的人。

正如有人牛三買NUM都可以賺幾個開，唔駛理間公司做乜。幣圈一樣，有個TICKER就可以衝入去，或者都可以賺到錢。但係我地堅持會睇清楚隻野係乜，炒都炒可以炒幾耐散水。有人炒慶起連”認賺幣”都照當股仔炒(到期某些條件不兌現即變廢紙)，當然炒唔起，實在可笑到極。

有前輩話一生有幾多個牛三。前輩是非常有料的，但我地幣圈人，實在唔會出聲。唔好講D垃圾幣，就講十大主要交易電子貨幣，每日都有幾隻升到幾十個巴(%)。有人炒牛証食幾十格好勁，我地都係以倍數計。日日牛三，人生幾何?

不過呢，舊經濟的人我唔會同佢嘈既。