哨兵情報 華潤啤酒/內銀股

近日內銀股強勢明顯，近兩日在軍營茶水間裡已經討論過，今日直頭獲哨兵回報，足證內銀股是價量齊升，當中建行擺脫弱勢呈強烈反彈，如果個市仲可以行，不如睇返工行、中行、招行。
反而哨兵情報中，有一隻久未被提及的股，就是華潤啤酒。無他的，觀乎近兩個月走勢，一枝大陽蠋衝左上去20蚊，輾轉在21蚊做雙頂回落，大行出報告踩兩腳，尋日仲穿埋19蚊，係幾肉酸，不過見今日有得彈下，就講下呢隻。5月22日的大陽蠋，起步點18.5元，同尋日低位相近，彈下唔奇，不妨用呢個位做止蝕，上望空間呢? 可以彈返上19.7-20元呢個區間，看好理由，好多人話夏天熱，多左人飲啤酒，應該會幫到生意，而且市佔都高，不過國內啤酒競爭都激烈，青島、燕京等，仲未計一眾國外品牌，唔係話有生意就有，因此，既然哨兵有回報，就即管睇下，或者可以冷吼一個小反彈呢，不過就冇輪用，玩輪就玩內銀輪吧。